Rihanna është rikthyer në muzikë pas afro shtatë vitesh. Këngëtarja me famë botëore ka publikuar këngën më të re të titulluar “Lift Me Up”, projekti i parë solo që nga albumi Anti i vitit 2016. Kënga është paraqitur në kolonën zanore të “Black Panther: Wakanda Forever”
Kënga është një homazh për aktorin e ndjerë Chadwick Boseman. Ylli i “Black Panther” vdiq nga kanceri i zorrës së trashë në gusht të vitit 2020 në moshën 43-vjeçare. Rihanna e paralajmëroi këngën disa herë në fillim të javës dhe të enjten, njoftoi datën e publikimit me një portret bardh e zi.
Ajo dhe i dashuri A$AP Rocky dolën disa ditë përpara publikimit të këngës për mbrëmjen e takimit në premierën e Black Panther: ëakanda Forever në Los Angeles të mërkurën. Kjo ishte dalja e parë në tapetin e kuq për çiftin që kur ata mirëpritën fëmijën e tyre të parë së bashku, një djalë, në maj.
/abcnews.al
