Roberto De Zerbi është një nga trajnerët më të talentuar italianë. 42-vjeçari drejtoi me sukses Sassuolon në tre sezone, ekip me të cilin dhuroi një futboll të bukur, sulmues dhe modern.
Më 25 maj u emërua trajneri i ri i Shakhtar Donetsk. Ekipi ukrainas zhvilloi dje takimin e parë në kampionat, të cilin e fitoi 2-1 kundër Inhulets.
Tre pikët kanë rëndësi, por De Zerbi pret që skuadra e tij të dominojë, të luajë futboll zbavitës dhe mbi të gjitha të shënojë shumë gola.
“Dominuam për 80 minuta, gjatë së cilave mund të kishim shënuar 4, 5 apo 6 gola. Askush nuk do të befasohej po të kishim fituar 6-0.
Për fat të keq, ne ia dolëm të dërgojmë topin në rrjetën kundërshtare në vetëm dy raste“, deklaroi trajneri italian pas suksesit shtëpiak. /abcnews.al
