Menaxhimi i keq i situatës në raste përmbytjesh në zonën e Kurbinit dhe të Lezhës ka shkaktuar debate në mbledhjen e Emergjencave Civile në Lezhë. Prefekti Gjokë Jaku tha se dëmet në Kurbin janë disa milionë euro.
Përmbytjet në Lezhë shkaktojnë përplasje në takimin e Emergjencave Civile në Prefekturën e Lezhës.
Ndue Preka, drejtori i Bordit të Kullimit në Shkodër kërkoi nga Bashkitë Lezhë dhe Kurbin t’i hapin rrugën mjeteve që kryejnë hapjen e kanaleve kulluese.
Por për nënkryetarin e Bashkisë Kurbin Gëzim Dika kanalet janë pronë e bordit që sipas tij i ka lënë punët përgjysëm.
Për Prefektin e Lezhës, Gjok Jaku, dëmet e shkaktuara në Kurbin kapin vlerën e disa milionë eurove ndaj duhet kërkuar zgjidhje e menjëhershme.
Duke iu referuar rastit të Laçit, ku përmbytjet e shkaktuara ishin shumë të mëdha dhe angazhim shumë i vogël i anëtarëve të Shtabit të Emergjencave, prefekti i Lezhës Gjok Jaku u ka kujtuar drejtorëve rajonalë se personat përgjegjës që nuk angazhohen në rastet e emergjencave do të përballen me ligjin. /ABC News Albania 24/7
