Deputetët e opozitës kanë kërkuar shfuqizim të Bordeve të Transparencës në komisionin e ekonomisë ku po diskutohej projektbuxheti për vitin 2023.
Por ministrja e financave Delina Ibrahimaj theksoi se bordet do vazhdojnë të funksionojnë. Ibrahimaj pranoi se ka pasur kritika nga institucionet ndërkombëtare por theksoi se bordet po mbajnë nën kontroll çmimin e karburanteve.
Kjo ka shkaktuar debate të forta në komision. Sipas deputetëve të opozitës bordet po funksionojnë vetëm për të rritur të ardhurat në buxhet
Bordi i Transparencës u krijua pas një rritje të fortë çmimit të karburanteve në mars të vitit 2022 pas nisjes së konfliktit Rusi -Ukrainë./abcnews.al/
