Transferimi i Lionel Messi tek amerikanët e Inter Miami nuk ka “revoltuar” vetëm tifozët e “katalanasve” të Barcelona, por dhe vetë lojtarët, me këta të fundit që ende nuk mund ta besojnë një transferim të tillë.
Një gjë të tillë e tha dhe “motori” i mesfushës së Barcelona, Frenkie de Jong, i cili për mediat holandeze tha se i vjen shumë keq që 7 herë fituesi i “Topit të Artë” u transferua tek Inter Miami dhe jo te Barcelona.
“Mendoj se çdo ekip do të donte që Messi të luante për ta, sepse ai vendos rezultatin e ndeshjeve gjithmonë, kudo. Sa keq që nuk u kthye te Barcelona. Do të isha i lumtur për këtë, do të ishte mirë”,- u shpreh De Jong për mediat. /i.m /abcnews.al
