Donald Trump ka dhënë sinjale se do të kandidojë për president sërish në vitin 2024 gjatë intervistës së tij të parë televizive që pasi u largua nga Shtëpia e Bardhë. Presidenti i 45-të i SHBA-ve u pyet nga nusja e tij Lara Trump nëse mbështetësit e tij mund t’i mbanin shpresa se ai mund të kandidonte sërish.
Trump u përgjigj: Po keni shpresë, këtë mund t’ju them, që keni shpresë. Ne e duam vendin tonë, këtë vend, dhe i detyroheshim shumë, por tani duhet ta ndihmojmë.”
Gjatë intervistës që zgjati rreth 18 minuta, Trump foli edhe për momentin kur presidenti amerikan Joe Biden u rrëzua nga shkallët ndërsa ngjitej për në Air Force One.
Gjithashtu, Trump tregoi sesa i mërzitshëm ishte bërë Twitter-i tashmë që ai nuk është më në këtë rrjet social. Kjo ishte hera e parë që 74-vjeçari shfaqet në një intervistë televizive pasi humbi zgjedhjet kundër Joe Biden dhe u largua nga Uashingtoni.
Edhe një herë, ish-presidenti theksoi se zgjedhjet ishin të vjedhura. sb/abcnews.al/
