Daja: Duam veç korrektësi nga arbitrat! Bregu e Jashanica? Ja situata

14:13 | 21/02/202014:130

Ilir Daja, trajneri i Skënderbeut, ka dalë para mediave në prag të ndeshjes së radhës në kampionat me Teutën. Tekniku kryeqytetas është ngacmuar fillimisht në lidhje me takimin e fundit me Tiranës dhe konkretisht nëse ka ndonjë peng prej gjykimit.

“Do të thosha që pjesën e dytë të këtij sezoni e kemi nisur goxha mirë, si në paraqitje, si në manovër. Na ka munguar finalizimi, pasi kemi humbur shumë raste. Nuk do të thosha për ndeshjen me Tiranën, por arbitrimi në vazhdimësi nuk ka qenë në favor të së drejtës së lojës. Kërkojmë vetëm që arbitrat të jenë korrektë”, u shpreh Daja.

NDESHJA ME TEUTËN – “Përballë kemi Teutën e vendit të katërt. Vijnë pas një fitoreje me tre gola me Vllazninë dhe kanë një gjendje psikologjike të mirë. Kemi pasur dy përballje, që njërën e kemi fituar ne dhe tjetrën e kemi humbur. Kjo tregon se do të jetë një përballje e vështirë. Nesër duhet të bëjmë mirë në drejtim të finalizimit, në mënyrë që të futemi në fushë vetëm për fitore. Është momenti që duhet të kthehemi te fitoret pas lojërave të mira që po bëjmë”.

 

DËMTIMET – Skënderbeu nuk do të jetë i plotë për këtë ndeshje dhe Daja thotë: “Shqetësimi ynë janë dëmtimet e Ndecky dhe Elezit, apo edhe problemet që kanë 2-3 lojtarë. Vuajnë dëmtime dhe nuk kanë gjendjen maksimale. Shpresojmë që nesër të gjithë ata që do ta nisin nga fillimi do të japin më të mirën e tyre për të marrë fitoren.

OBJEKTIVI – Daja nuk fluturon dhe të flasë për Europën, edhe pse në Korçë e kanë si objektiv për të ulur edhe me një tjetër vit dënimin e UEFA-s. “Ka shumë ndeshje deri në fund. Po të shikojmë ngjeshjen në renditje, me dy fitore radhazi pretendon për sipër. Më e rëndësishme është që të gjitha energjitë t’i fokusojmë te ndeshja e nesërme. Të vazhdojmë me këto paraqitje të mira, por të përkthehen edhe në rezultate pozitive”.

BREGU E JASHANICA – “Drejtuesit po punojnë fort që Bregu të kalojë në një kampionat jashtë Shqipërisë, për vetë faktin se në qershor i përfundon kontrata. Shpresojmë ta kemi sa më gjatë, për kualitetin që ka, pozicionin e liderit në fazën e sulmit. Ai na ndihmon goxha dhe mendoj se do ta kemi edhe për disa javë të tjera në dispozicionin tonë. Jashanica? Do jetë i gatshëm për ndeshjen e radhës me Vllazninë”, përfundon Daja. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono