Dafina Zeqiri është rikthyer fuqishëm këtë verë. Pak ditë më parë, u publikua “Aman”, një bashkëpunim me Ledri Vulën dhe Lumi B që u pëlqyer shumë nga publiku. Kënga deri më tani ka arritur të marrë afro 4 milion klikime në Youtube.
Pak minuta më parë, këngëtarja ka publikuar dhe bashkëpunimin e artistin nga Suedia, Gee Dixon. Kënga titullohet “La Vida” dhe sikundër çdo këngë tjetër e Dafinës, pritet të korrë një sukses të jashtëzakonshëm.
Kujtojmë që këngëtarja është komentuar gjithashtu shumë edhe për jetën e saj private. Lidhja e saj me Dj Geek ka qenë në fokus të mediave, sidomos së fundmi pasi dyshja është parë sërish në krahët e njëri-tjetrit, pak kohë pasi i dhanë fund lidhjes.
Postimet e shpeshta në rrjete sociale të dyshes, kanë ngjallur dyshime se ata janë rikthyer sërish së bashku pas pak kohësh të ndarë. /abcnews.al
