Pak orë më parë, Dj Geek dhe Vig Poppa publikuan projektin e tyre më të ri. Kënga është pritur shumë mirë nga publiku, ndërsa pjesë e klipit është dhe Dafina Zeqiri. Ajo ka shpërndarë një pjesë nga klipi në Instagram, dhe ka zgjedhur pikërisht disa fjalë të tekstit që duken si një thumb ndaj kolegëve.
“Hala po veshin si unë. I kanë gjestet si unë. I shkruajnë tekstet si unë. Edhe shprehen si unë. Po nuk bohen si unë, se s’munohen si unë.”, ka shkruar Dafina krahas videos. Nuk dihet se kujti i drejtohet këngëtarja por kohët e fundit është përfolur për një krisje të raportit me Taynën.
Pas duetit të suksesshëm “Bye Bye”, Dafina dhe reperja duket se i kanë mirupafshim njëra-tjetrës dhe në jetën reale. Replikat mes tyre në rrjete sociale nuk munguan gjq që përforcoi dhe më tepër thashethemet se dy artistet kanë prishur raportet, edhe pse nuk kanë konfirmuar asgjë publikisht.
