Dafina Zeqiri është padyshim një ndër artistet më të suksesshme të estradës shqiptare. Ajo erdhi këtë verë me dy bashkëpunime, me Ledri Vulën dhe Lumi B, si dhe me artistin e huaj, Gee Dixon. Pak ditë më parë, Dafina paralajmëroi dhe dy projekte të reja, njëri prej të cilëve u publikua mbrëmjen e djeshme.
“Million $” titullohet kënga që e sjell Dafinën, me një stil krejt ndryshe, të veshur me kostum tradicional nusërie. Pavarësisht fillimit të këngës, që nis si një vijë melodike popullore shqiptare, pjesa tjetër i përket një zhanri totalisht ndryshe. Megjithatë, kënga që ka pak orë që është publikuar është pritur mjaft mirë nga publiku.
“Një është që e ka ndërruar komplet lojën në industrinë muzikore shqiptare, dhe duhet të jemi falenderues që na ka nxjerrë prej tingujve bullgare dhe skllave. Qoftë Queen apo King, Dafina është the Goat! Personi më i kompletuar artistikisht dhe më gjerë.”, ka shkruar një ndjekës në kanalin e saj në Youtube. /abcnews.al/
