Covid futet në burgun e Vlorës, konfirmohen 15 raste pozitive

Vlora është një ndër qarqet ku numri i të infektuarve me Covid është i lartë.

Burime për abcnews.al bëjnë me dije se gjatë 24 orëve të fundit janë konfirmuara të infektuar me Covid 15 persona që ndodhen në paraburgimin në Vlorë.

Ndër të tjera gazetari Elton Nika bën me dije se  këtë të shtunë pritet që testit anti Covid ti nënshtrohen të gjithë të burgosurit për të parë nëse ka persona të tjerë të infektuar me Covid në këtë institucion.

Ndërkohë fatmirësisht të gjithë rastet e konfirmuara me Covid në paraburgimin e Vlorës janë në gjendje të qëndrueshme shëndetësore. e.su./abcnews.al