Juventusi humbet një titullar për ndeshjen me Lazion dhe me shumë mundësi edhe për duelin me Porton në Champions League. Ditën e sotme ka rezultuar me COVID-19 Rodrido Bentacur.
Klubi bardhezi e ka konfirmuar diçka të tillë përmes deklaratës së mëposhtme: “Juventus njofton se pas kontrollove të bëra sipas protokollit në fuqi, Rodrido Bentacur rezultoi pozitiv me COVID-19.
Futbollisti është në izolim dhe nuk ka simptoma. Klubi mbetet në kontakt me autoritetet shëndetësore për zbatimin e protokolleve të parashikuara”.
Kështu Pirlo do të duhet të presë që Bentacur të dalë negativ në testin e radhës, në mënyrë që të bashkohet me skuadrën në stërvitje. / abcnews.al
