Shkencëtarët britanikë kanë analizuar të dhënat e mbledhura nga një aplikacion për gjurmimin e simptomave COVID-19, gjerësisht i përdorur, dhe kanë zbuluar se ekzistojnë gjashtë lloje të dallueshme të sëmundjes, të cilat ndryshojnë nga njëra-tjetra nga një grup simptomash, shkruan King’s College London.
Ekip i King’s College në Londër zbuloi se të gjashtë llojet lidhen gjithashtu me faktin se sa i rëndë është infeksioni dhe me mundësinë që pacienti mund të ketë nevojë për oksigjeni– siç është maskë oksigjeni ose ventilatori nëse ata janë shtruar në spital.
Zbulimet mund të ndihmojnë mjekët të parashikojnë se cilët pacientë me COVID-19 janë më të rrezikuar dhe ka të ngjarë të kenë nevojë për kujdes spitalor në valët e ardhshme të pandemisë, raporton abcnews.al
“Nëse mund të parashikoni se kush janë këta njerëz në ditën e pestë, ju keni kohë t’u jepni atyre ndërhyrje të hershme, të tilla si monitorimi i oksigjenit në gjak dhe niveli i sheqerit, dhe të siguroni që ata të jenë të hidratuar siç duhet”,- tha Claire Steves, një prej mjekëve që ishin pjesë e studimit.
Përveç kollës, etheve dhe humbjes së nuhatjes – shpesh të theksuara si tre simptoma kryesore të COVID-19 – të dhënat e aplikacionit treguan simptoma të të tjera si dhimbje koke, dhimbje të muskujve, lodhje, diarre, konfuzion, humbje të oreksit dhe gulçim.
Rezultatet gjithashtu ndryshuan dukshëm; disa kishin simptoma të buta, të ngjashme me gripin ose një acarim dhe të tjerët pësuan simptoma akute ose vdiqën.
Studimi, i cili nuk ka marrë ende opinionet e shkencëtarëve të pavarur, i ndan gjashtë llojet e COVID-19 si:
1– Si gripi, por pa ethe: Dhimbje koke, humbje nuhatjeje, dhimbje muskulore, kollë, dhimbje të fytit, dhimbje në gjoks, pa temperaturë.
2 – Si gripi me ethe: Dhimbje koke, humbje nuhatjeje, kollë, dhimbje të fytit, ashpërsi, ethe, humbje e oreksit.
3 – Gastrointestinal: Dhimbje koke, humbje e nuhatjes, humbje e oreksit, diarre, dhimbje fyti, dhimbje në gjoks, pa kollë.
4 – Nivel i rëndë, lodhje: Dhimbje koke, humbje e nuhatjes, kollë, ethe, ngjirje, dhimbje në gjoks, lodhje.
5 – Niveli i rëndë dy, konfuzion: Dhimbje koke, humbje e nuhatjes, humbje e oreksit, kollë, ethe, ngjirje, dhimbje të fytit, dhimbje në gjoks, lodhje, konfuzion, dhimbje muskulore.
6- Niveli i tretë i rëndë, barku dhe frymëmarrja: Dhimbje koke, humbje e nuhatjes, humbje e oreksit, kollë, ethe, dhimbje të fytit, dhimbje në gjoks, lodhje, konfuzion, dhimbje muskulore, gulçim, diarre, dhimbje barku.
Pacientët me nivele 4, 5 dhe 6 e kanë më shumë të ngjarë të shtrohen në spital dhe të kenë nevojë për aparaturat e frymëmarrjes, raporton abcnews.al
Studiuesi kryesor Dr Carole Sudre nga King’s College London tha: “Studimi ynë ilustron rëndësinë e monitorimit të simptomave me kalimin e kohës për të bërë parashikimet tona për rrezikun individual dhe rezultate më të sofistikuara dhe më të sakta. Kjo qasje po na ndihmon të kuptojmë historinë e virusit tek secili pacient në mënyrë që ata të mund të marrin kujdesin më të mirë. “/abcnews.al
