Ishte padyshim një fitore spektakolare dhe kjo dallohet që nga numri i golave të shënuar, plot shtatë të tillë.
Kapiteni Berat Gjimshiti ka arritur një tjetër sukses me “Bergamaskët” e Atalanta, teksa mbrëmjen e kësaj të mërkure skuadrë e tij ka triumfuar me rezultatin “tenistik” 6-1, ndaj “Bardhezinjve” të Cesena, pjesë e së cilës është edhe “bomberi” Cristian Shpendi.
Spektakolar në këtë fitore ishin padyshim “yjet” Charles De Ketelaere e Lazar Samardzic me dopietat e tyre në mintuat 8’, 35’ e 27’, 71’ ndërsa në tabelën e golashënuesve një vend e zunë edhe Zappacosta, Brescianini për vendasit, si dhe afrikani Joseph Ceesay, i cili shënoi golin e “nderit” për miqtë “bardhezinj”.
Falë këtij triumfi skuadra e Atalanta siguron çerekfinalet e Coppa Italia, ku tashmë përballë tyre do të jenë “Kuqeblutë” e Bologna. /i.m /abcnews.al
