Antonio Conte është gati për derbin e tij të parë si trajner i Interit. Mbrëmjen e së shtunës në San Siro, Interi do të sfidojë Milanin. Trajneri foli në konferencën për shtyp në Appiano para mediave të pranishme:
REAGIMI – “Ne presim diçka më shumë nga lojtarët pas barazimit zhgënjyes në kupë. Gjithmonë përpiqemi të bëjmë maksimumin dhe ndonjëherë kemi sukses, ndonjëherë jo. Ne e dimë që kemi shumë punë për të bërë për tu përmirësuar, por kjo nuk na tremb”.
LUKAKU-BROZOVIC – “Unë sinqerisht mendoj se në përgjithësi Interi është gjithmonë shumë i përfolur në gazeta dhe TV. Ne themi administrim normal, por klubet e tjera janë të mirë në trajtimin e këtyre situatave. Duhet të përmirësohemi edhe ne shumë në këtë gjë, edhe jashtë fushës ka boshllëqe të mëdha dhe duhet t’i plotësojmë. Të gjithë përpiqemi të ndryshojmë së bashku.”
MILAN DHE GIAMPAOLO – “Ai bëri një kalim të rëndësishëm këtë verë, ashtu si edhe unë. Secili prej nesh ka rrugën e vet dhe ai e meritoi këtë mundësi të shkëlqyeshme. Giampaolo është i përgatitur, i fiksuar pas futbollit si unë. Urime për të”.
REZULTATI – “Ne gjithmonë luajmë për fitore, por çdo ndeshje fsheh disa “kurthe”. Çdo fitore sjell entuziazëm, pozitivitet, nëse arrihet në mënyrën e duhur. Unë personalisht gjithmonë do të doja të fitoja ”.
