Akademia Britanike e Arteve të Filmit dhe Televizionit ka nderuar princin Philip që ndërroi jetë ditën e premte në moshën 99-vjeçare. Dermot O’Leary dhe Edith Boëman dhanë një mesazh prekës, duke theksuar se anëtari mbretëror kishte një vend të veçantë në historinë e BAFTA, pasi shërbeu si presidenti i parë nga 1959 deri në 1965.
Nipi i tij Princi William, Duka i Kembrixhit është presidenti aktual i akademisë. “Sonte duam të themi në emër të BAFTA se jemi jashtëzakonisht të trishtuar nga vdekja e Lartmadhërisë së Tij Mbretërore Philip, Duka i Edinburgut të Premten.”, tha drejtuesja Clara Amfo.
Princi Philip u emërua president në 1959, një vit pasi Akademia Britanike e Filmit dhe Shoqata e Prodhuesve dhe Regjisorëve të Televizionit u bashkuan për të krijuar Shoqërinë e Arteve të Filmit dhe Televizionit (SFTA), një paraardhës i BAFTA.”
Ai ishte gjithashtu i pranishëm në hapjen zyrtare të selisë së BAFTA-s në Londër, pasi ai dhe Mbretëresha Elizabeth dhanë pjesën e tyre të fitimeve nga dokumentari i Familjes Mbretërore të vitit 1969 te SFTA. /abcnews.al
