Manchester City e nisi me fitore Premier Ligën angleze, madje me një sukses në një fushë të vështirë.
Kampionët në fuqi triumfuan 2-0 në stadiumin “Stamford Bridge” të Londrës, duke iu përgjigjur fitoreve të arritur më parë nga rivalët e tjerë për titull si Arsenal, Liverpool e Manchester United.
Autor të golave ishin sulmuesi norvegjez, Erling Haaland në minutën e 18-të, dhe mesfushori kroat Mario Kovaçiç në minutën e 84-ët.
Halaand luajti ndeshjen e 100-të për City-n, dhe e festoi siç duhet. Suksesi nuk ishte edhe aq i lehtë, pasi Chelsea pati rastet e tij për të barazuar, por gjithsesi, City e meritoi fitoren.
Trajneri Pep Guardiola pati disa mungesa në ekip, por sërish kjo nuk e pengoi skuadrën e tij që të merrte tri pikët./abcnews.al
