Nga George Friedman, Geopolitical Futures
Përktheu: Sonila Backa-abcnews.al
Sa herë që Rusia është pushtuar, ajo ia ka dalë falë aftësisë së saj strategjike. Rusia nuk mund të mposhtet me të vërtet pa marrë Moskën, dhe deri në Moskë është një rrugë e gjatë për t’u bërë.
Nga Napoleoni te Hitleri, pushtuesit nga perëndimi duhej të përpiqeshin të arrinin në kryeqytet përpara se të vinte dimri brutal. Prandaj, Rusia duhet të qëndrojë sa më larg një sulmi dhe të përdorë ushtrinë e saj për të vonuar sa më shumë përparimin e forcave të tjera.
Kështu është vlera strategjike e Ukrainës për Rusinë.
Nëse Ukraina nuk pushtohet dhe nëse bëhet pjesë e NATO-s, Moska do të jetë më pak se 300 milje nga sulmuesit. Shumë argumentojnë se NATO nuk ka ndërmend ta pushtojë. Unë argumentoj se asgjë nuk është më pak e besueshme se qëllimet.
Planifikuesit e luftës duhet të planifikojnë aftësitë, të cilat ndryshojnë shumë më ngadalë sesa qëllimet. Konsiderata të tilla si të drejtat e kombeve sovrane historikisht kanë marrë gjithmonë një pozicion ndryshe ndaj nevojës për të garantuar sigurinë e një kombi, raporton abcnews.al.
Disa kanë argumentuar se SHBA nuk ka interes në Ukrainë, ose nëse ka, atëherë është një interes moral. Argumenti moral nuk është i mjaftueshëm në realitetet e vështira të gjeopolitikës. Unë mendoj se SHBA ka një interes kombëtar themelor në luftë. Shtetet e Bashkuara janë të sigurta nga pushtimi tokësor, kështu që kërcënimet e vetme që mund të lindin vijnë nga detet.
Sigurimi i deteve ka qenë kështu themeli i sigurisë kombëtare të SHBA-së që nga viti 1900.
Historia e ka treguar diçka të tillë. Ajo hyri në Luftën e Parë Botërore pas fundosjes së Lusitania. Sulmi nuk ishte preteksti për të hyrë në luftë, natyrisht, por çoi në pikën se konflikti do të ishte gjithashtu një luftë detare dhe se një luftë detare mund të kërcënonte interesat themelore të SHBA-së.
Nëse Gjermania do të kishte fituar, do të kishte kontrolluar Atlantikun, duke vënë në rrezik Shtetet e Bashkuara lindore.
Lufta e Dytë Botërore vuri edhe njeherë në dukje problemin. Shtetet e Bashkuara u alarmuan mjaftueshëm që ranë dakord me Aktin e Huadhënies, sipas të cilit Uashingtoni do t’i jepte hua Mbretërisë së Bashkuar furnizimet shumë të nevojshme në këmbim të dhënies me qira të shumicës së bazave britanike pranë Amerikës së Veriut në Uashington, raporton abcnews.al.
Por atëherë, Londra ra dakord që nëse do të detyrohej t’i dorëzohej Gjermanisë (jo një nocion i largët në atë kohë), Marina Britanike do të lundronte në Amerikën e Veriut. E thënë ndryshe, Amerika do të ndihmonte, por ndihma e saj ishte e kushtëzuar në largimin e fuqisë britanike nga Amerika e Veriut, si dhe në skenarin më të keq, për t’ia dorëzuar marinën britanike Shteteve të Bashkuara.
Lufta e Ftohtë kishte gjithashtu një rëndësi shumë të madhe për të. Të gjitha konfliktet me bazë tokësore që ndodhën kërkonin futjen e furnizimeve për forcat lokale. NATO për shembull, premtoi furnzime nga Shtetet e Bashkuara dhe Bashkimi Sovjetik kishte një interes të madh për t’i ndaluar ato.
Në një luftë, nëndetëset sovjetike do të kalonin përmes hendekut GIUK (Grenlanda, Islanda dhe Mbretëria e Bashkuar), dhe bombarduesit sovjetikë nga Gadishulli Kola, duke goditur bazat ajrore në Norvegji, ndërsa gjithashtu qëllonin përmes GIUK drejt kolonave që përmbanin aeroplanmbajtëse. dhe aftësi masive kundërajrore dhe antiraketë, raporton abcnews.al.
Për SHBA-në, Lufta e Ftohtë ishte luftë detare dhe ajrore.
Për Uashingtonin, zgjerimi sovjetik në Europë ishte i njëjtë me zgjerimin sovjetik në Atlantik. Nëse Europa do dominohej ndonjëherë nga një fuqi e vetme që mund të konsolidonte burimet e tij njerëzore dhe materiale, ai mund të ndërtonte një forcë detare që mund të kërcënonte Amerikën e Veriut.
Për SHBA-në, parandalimi i dominimit të gadishujve europianë nga çdo fuqi e vetme ndalon një kërcënim përpara se të ndodhë. Dhe ky është thelbi i interesit të saj në Ukrainë. Ndër arsyet e tjera, Rusia pushtoi për të kufizuar kërcënimin e NATO-s. Edhe nëse Rusia e pushton Ukrainën, ka një tjetër aleat të NATO-s në perëndim të saj, raporton abcnews.al.
Prandaj, një fitore e shpejtë në Ukrainë ngriti mundësinë e më shumë lëvizjeve ushtarake në perëndim. Mënyra se si Rusia ka menaxhuar luftën në Ukrainë e ka bërë këtë rezultat më të pamundur.
Është e arsyeshme të supozohet se Moska do të përparojë drejt perëndimit sa më shpejt që të mundet në mënyrë të arsyeshme dhe të sigurt. Dhe ky është shumë një kërcënim për sigurinë kombëtare të SHBA-së.
Ndalimi i Rusisë, me trupat ukrainase që po luftojnë dhe SHBA-të që ofrojnë armë ndërsa zhvillojnë një luftë paralele ekonomike, është një kontroll efikas i ambicieve ruse.
/abcnews.a
