Real Madrid dhe Chelsea aktualisht po tentojnë të njëjtin futbollistin për të forcuar mbrojtjet e tyre përkatëse dhe Niklas Süle është një nga “pazaret” për tregun veror të vitit 2022.
Qendërmbrojtësi i Bayern Munich nuk ka rinovuar ende dhe ai synon të largohet falas pasi nuk është i bindur me projektin sportiv dhe propozimin e vazhdimit të ofruar nga entiteti bavarez.
Në moshën 26 vjeçare, ai po kërkon një destinacion të ri në të cilin do të zhvillojë karrierën e tij dhe duket se dy nga të mëdhenjtë në Evropë do të ishin të gatshëm t’i ofronin këtë mundësi.
Në rastin e Chelsea, do të kishte një avantazh dhe ky është Thaigo Silva, i cili mund të largohet verën e ardhshme, dhe veçanërisht duke menduar për lamtumirën e mundshme të Rüdiger.
Real Madrid, nga ana e tyre, e konsideron Süle një opsion shumë tërheqës të tregut. Ashtu siç bëri me Alabën, ai dëshiron të përsërisë me qendërmbrojtësin, i cili mund të jetë një opsion për të ardhmen që të ketë një linjë mbrojtëse shumë solide. Prioriteti është Rüdiger, por nëse ata nuk e marrin nga Londra do të tentojnë bashkëkombasin e tij.
Bayern nuk dëshiron të vazhdojë të humbasë futbollistë me kosto 0 dhe do të bëjë gjithçka që është e mundur për të bindur lojtarin, edhe pse nuk po rezulton të jetë një detyrë e lehtë. Le të kujtojmë se është një titullar i padiskutueshëm në këtë sezon nën komandën e Nagelsmann. /abcnews.al
