Ishin padyshim përballje spektakolare.
Kanë përfunduar përballjet e mbrëmjes së kësaj të mërkure dhe të fundit, të vlefshme për xhiron e tretë të fazës ligë të UEFA Champions League, me favoritët që nuk mund të thuhet se kanë zhgënjyer, duke arritur fitore të rëndësishme.
Kështu, “gjigantët” e Premier League, Manchester Ciry e Liverpool arritën triumfe të rëndësishme, me “Qytetarët” e Pep Guardiola, që kanë mungur 5-0 çekēt e Sparta Prague pas golave të Phil Foden, John Stones, Matheus Nunes e Erling Haaland, me këtë të fundit që realizoi një dopietë, ndërsa një gol i Darwin Nunez mjaftoi për t’i dhënë fitoren “Të Kuqve” të Arne Slot ndaj RB Leipzig, në transfertën e vështirë gjermane.
Performancë magjike dhuroi edhe “ylli” i Kosovës, Edon Zhegrova, i cili shënoi golin e parë në “Metropoliatano”, në përmbysjen e madhe të Lille, ndaj “gjigantëve” të tjerë të Madridit, Atletico, ku padyshim u ndihmua edhe nga dopieta e “bomberit” kanadez, Jonathan David, ndërsa për spanjollët golin e vetëm e shënoi argjentinasi, Julian Alvarez.
Fitore të rëndësishme arritën “Zikaltërit” e Inter, me djemtë e teknikut Simone Inzaghi, që u mjaftuan me golin e Marcus Thuram në transfertën e vështirë të Young Boys.
Ndërkaq, në përballje të tjera, Feyenoord mundi me rezultatin 3-1 “Shqiponjat” e Benfica, ndërsa Dinamo Zagreb triumfoi 2-0 në transfertën e RB Salzburg. /i.m /abcnews.al
