Çfarë përshtypjeje krijojnë te të tjerët kur vendosni pikë në fund të mesazheve tuaja

schedule08:35 - 26 Janar, 2022

schedule 08:35 - 26 Janar, 2022

Që nga momenti kur rrjetet sociale hynë në jetën tonë, mesazhet që u dërgojmë njerëzve në jetën tonë janë thjeshtuar shumë. Tani, mund të mos keni nevojë të shkruani të gjithë fjalën që marrësi të kuptojë saktësisht se çfarë do të thoni dhe kjo është shumë në rregull.

Edhe meqenëse në mesazhe po flasim për gjëra të vjetruara, le të flasim pak për shenjat e pikësimit! E pabesueshme dhe gjithsesi e vërtetë, por ne që vazhdojmë të vendosim pikë në fund të mesazheve, duhet ta dimë se ai që e lexon mendon se jemi të zemëruar, në rastin më të mirë, ose indiferentë ndaj asaj që po na thotë.

Shkenca pajtohet me këtë, pasi sipas hulumtimit të kryer në Universitetin Binghamton, pika në fund të mesazhit është krejtësisht absurde. Përkundrazi, nëse përdorim pikëçuditëse, ’emoji’ të lumtura dhe shumë truke, shfaqim emocion, gëzim dhe pritje.

Sipas drejtueses së hulumtimit, Celia Klin, kjo ndodh sepse ne përpiqemi të kuptojmë përmes mesazhit gjendjen shpirtërore të personit që na shkruan nga shumë pak elementë: “ Mesazheve me tekst u mungojnë shumë elementë socialë të përdorur në bisedat me persona realë”.

“Kur flasin, njerëzit përcjellin lehtësisht informacion social dhe emocional përmes pamjes, shprehjeve të fytyrës, tonit të zërit, pauzave, etj. Njerëzit padyshim nuk mund t’i përdorin këto mekanizma kur dërgojnë mesazhe. Kështu që ka kuptim që mesazhet me tekst të bazohen në atë që kanë në dispozicion: ’emoticon’, gabime të qëllimshme drejtshkrimore që imitojnë tingujt e të folurit dhe, sipas të dhënave tona, shenjat e pikësimit”.

Me pak fjalë, nëse nuk doni të lini përshtypjen e gabuar, ose merrni telefonin dhe telefononi drejtpërdrejt personin tjetër, ose vendosni bast për zemrat e shumta. Në çdo rast, mos vendosni pikë në fund të mesazhit tuaj!/abcnews.al