Të gjithë po e prisnin bashkëpunimin mes Dafina Zeqirit dhe Kidës, por mesa duket, fansat janë të zhgënjyer. Adhuruesit e dy artisteve të famshme shprehen se kënga është e bukur, por kanë pritur më shumë prej tyre. Në klip, ata shfaqen shumë atraktive ndërsa bëjnë një kërcim joshës.
“Këngë e mirë por Dafina dhe Kida kanë patur potecial të madh për një hit ndërkombëtar. Gjithsesi suksese”, shkruan një përdorues. Ndjekësit vënë në pah se Dafina dhe Kida i kanë kushtuar më shumë vëmendje klipit, në një pjesë të të cilit shfaqen si dy mekanike seksi, sesa këngës dhe tekstit.
“Dy artiste me potencial kaq të madh, nuk e keni shfrytëzuar rastin për të bërë një hit ndërkombëtar. Kënga më pëlqen se është ndryshe, këngë ritmike dhe clubi por tekst ka shumë pak, vetëm përsëritje. Sidoqoftë më pëlqen, por keni pasur mundësi të bëni më mirë.”, shkruan një përdorues tjetër.
Të tjerë bëjnë një krahasim të këngëve të mëparshme që ka sjellë Dafina, që kanë qenë padiskutim hite, me këtë të fundit që ka sjellë me Kidën, duke e cilësuar si një “muzikë të lirë”.
/abcnews.al
