Loading ...TIRANË– Kryeministri i vendit, Edi Rama, i kërkoi të hënën SPAK-ut të nisë hetimin për privatizimin e katër hidrocentraleve gjatë qeverisjes së Sali Berishës.
Ai deklaroi se nëse Prokuroria e Posaçme dëshiron të luftojë korrupsionin, duhet të hetojë privatizimin e hidrocentraleve si: Shkopeti, Ulza, Bistrica 1 dhe Bistrica 2.
Avokatit i njohur Idajet Beqiri, nga studio e “Tirana Live” tha se privatizimi i hidrocentraleve të mësipërme është bërë në mënyrë korruptive nga Sali Berisha në vitin 2013 , me ndihmën direkte të ish-ministrit të Financave, Ridvan Bode.
Ai tregoi se shuma që u vidhet çdo vit shqiptarëve nga skema e privatizimit të hidrocentraleve është 10 milionë euro në vit.
Avokati Beqiri tha se ai personalisht e ka çuar dosjen e hidrocentraleve në SPAK, por ky i fundit ka refuzuar të nisë hetimet mbi këtë aferë, e cila sipas tij mban emrin e Sali Berishës.
“Privatizim i katër hidrocentraleve është bërë nga familja Berisha, në 2013 me ndihmën e Ridvan Bodes. Ju morën taksapaguesve shqiptarë 20 milionë euro. Ja dhanë një privati turk, mbi bazën e aferës korruptive. Mbushën xhepat e tyre. E kam bërë unë kallëzimin penal, SPAK e refuzoi çështjen që ta fillonte.
SPAK dhe GJKKO mbrojnë Berishën, e kanë shpall “monument kulture”. Janë dhjetë milionë euro, që i humbasin shqiptarët në vit. Nuk i marrin shqiptarët, por i merr privati nga Turqia”, tha ai./abcnews.al
