Ish-futbollisti italian Antonio Cassano ka ndarë mendimet e tij për lojën e sulmuesit të Manchester City, Erling Haaland.
Norvegjezi 22-vjeçar ka shënuar 45 gola në të gjitha garat këtë sezon. Për momentin, ai kryeson listën e golashënuesve si në Premier League angleze ashtu edhe në Champions League.
“Haaland është një golashënues i madh, ai është fenomenal, por ai nuk di të luajë futboll. Ka lojtarë si Benzema dhe Lewandowski që shënojnë shumë dhe dinë të luajnë futboll, gjë që nuk mund të thuhet për Haaland”, tha Cassano, duke folur në Bobo TV.
Në ndeshjen e fundit të Champions League kundër Bayernit (3:0), Erling Haaland shënoi një gol dhe një asist. /G.D abcnews.al/
