Reperi i njohur, Capital T është shumë aktiv dhe i ndjekur në rrjetet sociale. Ai bën shpesh postime të ndryshme lidhur me projektet muzikore, por edhe publikon foto nga udhëtimet e shumta që realizon.
Së fundmi në InstaStory, Capitali i ka quajtur rrjetet sociale “qesharake”, pasi sipas tij aty njerëzit tentojnë të tregojnë gjëra që nuk përkojnë me jetët e tyre reale.
“Rrjetet sociale janë kaq qesharake, sepse njerëzit harrojnë që ne i njohim ata në jetën reale”, ka shkruar reperi, teksa e ka shoqëruar shkrimin edhe me disa emoji të qeshura.
Kujtojmë që projekti i fundit i Capital T është kënga “Rrushe”, të cilën ai e publikoi këtë muaj. Kjo këngë është kolona zanore e serialit më të ri me të njëjtin titull, “Rrushe”, i cili ka nisur tashmë transmetimin në Kosovë./abcnews.al
