Fabrizio Cammarata, trajneri i Apolonisë, pas humbjes së pësuar me Laçin vetëm matematika i mban në lojë për mbijetesën. Italiani i fierakëve, në emisionin “Gol pas Goli” në Supersport tha:
“Më vjen keq, pasi luajtëm mirë në pjesën e parë. Kishim mundësi, por përballeshim me një ekip si Laçi. Në një ndeshej futbolli rastet e krijuara duhet t’i kthesh në gol”.
“Matematika na jep shpresë, por duhet të jemi të sinqertë dhe është shumë e vështirë. Bëmë atë që mundëm, lojtarëve u kërkoj të japin maksimumin si sot. Shpresoj të bëjnë edhe më mirë në ndeshjet e fundit”.
“Motivimi? Janë profesionistë dhe kjo është detyra e tyre, pastaj kanë edhe të ardhmen përpara. Sa kohë të jem këtu do kërkoj të japin maksimumin”.
“Vetëm me Vllazninë u bllokuam krejtësisht, ndaj ekipeve të tjera kemi luajtur fort. Nëse luajmë kompakt marrim rezultate, nëse luajmë secili për vete, atëherë e pëson”. /abcnews.al
