“Pa fituar një kupë bote me Argjentinën, Messi nuk mund të jetë lojtari më i mirë në botë”, sipas ish-trajnerit të Spanjës dhe Realit të Madridit, Jose Antonio Camacho. Sipas tij, disa mungesa të mëdha në CV-në e tij e bëjnë të pamundur për 32-vjeçarin që të jetë më i mirë në histori.
Ish-trajneri i Real Madridit dhe Spanjës, Jose Antonio Camacho thekson se Lionel Messi nuk mund të vlerësohet si futbollisti më i mirë i të gjitha kohëve pa e fituar ende Kupën e Botës.
Për shumë njerëz, superylli i Barcelonës është talenti më i mirë që i ka mbathur këpucët e futbollit. Dhe është e vështirë të argumentosh kundër kësaj duke pasur parasysh të gjitha që i ka arritur pesë herë fituesi i Topit të Artë gjatë karrierës së tij të shquar.
Camacho, megjithatë, nuk pajtohet se Messi mund të cilësohet si lojtari më i mirë në histori të sportit të futbollit. Ai thotë se është adhurues i magjikut nga Amerika Jugore, por ndien se disa mungesa të mëdha në CV-në e tij e bëjnë të pamundur për 32-vjeçarin që të jetë më i mirë në histori.
“Ai është lojtar shumë i mirë, por nuk mund të jesh më i miri në botë, e aq më tepër më i miri në histori, nëse je argjentinas dhe nuk e fiton Kupën e Botës”, tha Camacho për gazetën spanjolle ABC në lidhje me Messin.
“Ka vende më me pak traditë kur nuk është shumë më rëndësi nëse s’e fiton Kupën e Botës, por Argjentina është forcë dominuese”, shtoi ai. “Jo, ka Kupën e Botës, Messi nuk mund të jetë më i miri”, këmbënguli ai.
Ndërkaq, në lidhje me dëmtimin e Mesit, mediat spanjolle raportojnë se kapiteni i Barcelonës, Lionel Messi, është i gatshëm të luajë në ndeshjen e së dielës, kundër Real Betisit, duke e përshpejtuar kështu procesin e rikuperimit.
32-vjeçari pësoi lëndim në fillim të përgatitjeve me Barcelonën, pasi u kthye nga Kupa e Amerikës me Argjentinën. Që nga atëherë, ai ka qenë duke u stërvitur i vetëm, ndaras skuadrës së Barcelonës./ABC News Albania 24/7
