Policia ka arrestuar një roje sigurie në Milano për tentativë vrasjeje. 45-vjeçari Angelo D. M. u përpoq të vriste me armë e djalin 14-vjeçar të bashkëjetueses së tij shqiptare.
Ngjarja ka ndodhur mbrëmjen e djeshme në banesën e tyre në Marco Aurelio pranë parkut Trotter në Milano.
Sipas Policisë italiane, kur po ktheheshin në shtëpi, 45 vjeçari ishte i dehur, ndërsa shoqja e tij me origjinë shqiptare filloi të grindej për motive të kota.
Në grindje e sipër 45 vjeçari nxorri pistoletën e punës një lloj Bereta 98 duke e kërcënuar dhe fyer rëndë atë.
Në këtë moment djali i vogël ndërhyri për ta qetësuar dhe për t’i hequr pistoletën nga duart, por 45 vjeçari e qëlloi në krahun e djathtë 14 vjeçarin, i cili ia mbathi në rrugë, i ndjekur nga roja i armatosur dhe nga gruaja që bërtiste e terrorizuar dhe kërkonte të ndalonte bashkëjetuesin.
Policia u njoftua në orën 22.40, ndërsa mori 14 vjeçarin nga rruga dhe e dërgoi në spitalin Niguarda. Ai ka thyer krahun, ndërsa parashimet gjendja e tij shëndetësore do të shihet pas 60 ditësh.
Pak minuta më pas roja i sigurisë u ndalua para derës së shtëpisë, i cili para dorëzimit vendosi armën kundër policëve. /abcnews.al
