Një burrë gjeti grup të madh eshtrash të fosilizuara dinosauri në oborrin e shtëpisë së tij në Portugali. Pas studimit të skeletit, shkencëtarët zbuluan se ato i përkisnin një brachiosaurus 25 metra të gjatë që jetoi midis 160 dhe 100 milion vjet më parë, sipas Daily Mail.
Ky mund të jetë dinozauri më i madh sauropod – një lloj barngrënës, me katër këmbë, bisht dhe qafë të gjatë – që është gjetur ndonjëherë në Evropë. Deri më tani janë zbuluar elementë të skeletit boshtor, duke përfshirë rruaza dhe brinjë që tregojnë se ishte një brachiosaurid.
Elisabete Malafaia, një studiuese nga Universiteti i Lisbonës, tha: “Nuk është e zakonshme të gjesh të gjitha brinjët e një kafshe si kjo, e lëre më në këtë pozicion, duke ruajtur pozicionin e tyre origjinal anatomik. Kjo mënyrë ruajtjeje është relativisht e pazakontë në të dhënat fosile të dinosaurëve, në veçanti sauropodët, nga Jurasiku i Sipërm Portugez”.
