Në orën 15:30 do të startojnë 4 sfidat e para të kësaj të shtune, të vlefshme për javën e 7 të Kampionatit gjerman të futbollit, Bundesliga, ku pritet spektakël i vërtetë në 3 prej sfidave të mesditës.
Kështu, në “Signal Iduna Park”, “verdhezinjtë” e Borussia Dortmund do të presin kundërshtarët e Union Berlin, me këta të fundit, që do të kërkojnë rikthimin te fitorja, pas plot 6 javëve humbje, mes kampionatit e UEFA Champions League.
Në “Red Bull Arena”, “demat” e RB Leipzig kërkojnë të ruajnë ecurinë pozitive në Bundesliga, teksa për sfidën ndaj Bochum ka vendosur të përdorë të gjithë “yjet” e ekipit, duke filluar që nga Xavi Simons e deri te Lois Openda e Benjamin Sesko.
Ndërkaq, në “MHP Arena” skuadra e Stuttgart, e cila aktualisht ndodhet në vendin e 2-të të kampionatit do të kërkojë të ruajë serinë e fitoreve radhazi, kësaj here ndaj skuadrës së Wolfsburg, ku “majën” e sulmit për vendasit e udhëheq, “njeriu i momentit” në Gjermani, Serhou Guirassy, me “bomberin” malez që ka arritur deri më tani të shënojë 10 gola e të asistojë 1 tjetër. /i.m /abcnews.al
Formacionet zyrtare:
Borussia Dortmund – Union Berlin
Stuttgart – Wolfsburg
RB Leipzig – Bochum
Augsburg – Darmstadt
