Marcelo Brozovic dhe Interi mund të ndahen në verë, pasi mes palëve nuk po arrihet një marrëveshje për rinovimin e kontratës. Kroatit del i lirë më 30 qershor 2022 dhe zikaltrit ia kanë propozuar rinovimin.
Brozovic përfiton 4.2 milion euro në sezon dhe me kontratën e re pretendon 6 milion euro. Duket e vështirë që kampionët e Italisë t’ia plotësojnë kërkesat financiare dhe janë disa klube që e ndjekin me kujdes situatën e mesfushorit.
Një prej tyre është PSG, që ka në shënjestër edhe yllin e Milanit, Franck Kessie. Vjet francezët tentuan ta shkëmbejnë me Leandro Paredes, por palët nuk arritën të binin dakord.
Gazetta dello Sport ndër të tjera shkuan se janë edhe dy klube angleze që e duan Brozovic. Bëhet fjalë për Manchester United dhe Tottenham.
Te këta të fundit përgjegjës për merkaton është Fabio Paratici, i cili e njeh mirë kampionatin italian dhe kishte tentuar ta merrte kroatin më parë te Juventusi. / abcnews.al
