Për vendin në formacion duhet të presë, por për aq kohë që ishte në fushë tregoi se ka rigjetur formën më të mirë.
Armando Broja mori të tjera minuta me Everton në barazimin 1-1 në transfertën kundër Manchester City.
Sulmuesi kuqezi u aktivizua në minutën e 70-të, duke bërë një paraqitje shumë të mirë.
Madje, Broja nisi disa aksione të rrezikshëm, që mund t’i jepnin Everton një fitore të madhe, nëse do të ishin finalizuar si duhet nga shokët e skuadrës.
Por momenti më domëthënës sa i përket formës së lojtarit ishte ai kur detyroi Fil Foden t’I shkaktonte një ndërhyrje që i kushtoi anglezit kartonin e verdhë.
Sa I përket ndeshjes, barazimi 1-1 u vendos që në pjesën e parë.
Bernardo Silva kaloi në epërsi kampionët në fuqi të Pep Guardiolës, me golin e tij në minutën e 14-të.
Por Everton ktheu ekuilibrat në rezultat në të 36-ën me Ndiaje.
Pas pushimit, Haland shpërdori një 11-metërsh , duke konfirmuar momentin e vështirë të tij dhe Manchester City që thellon më tej krizën e rezultateve.
