Këngëtarja amerikane, Britney Spears fitoi betejën ligjore për heqjen e kujdestarisë 13-vjeçare të babait të saj Jamie Spears mbi të dhe rifitoi lirinë. Edhe pse këngëtarja ka hequr qafe kujdestarinë e të atit, lufta ligjore vazhdon.
Avokati i yllit të famshëm ka depozituar dosje të reja në gjykatë, duke pretenduar se Jamie Spears dhe ekipi i tij ligjor kanë marrë miliona dollarë nga këngëtarja.Avokati Mathew Rosengart, zbuloi të gjitha paratë që Jamie dhe ekipi i tij ligjor dyshohet se kanë marrë gjatë kujdestarisë së tyre 13-vjeçare.
Dokumentet e reja pretendojnë se ndërsa ishte nën kujdestari, babai dhe ekipi i saj morën më shumë se 36 milionë dollarë nga Britney Spears.
Në dosje thuhet se Jamie Spears mori 6.3 milionë dollarë për vete dhe 30 milionë të tjera shkuan për avokatët dhe tarifat ligjore.
Jamie, kujdestaria e të cilit përfundoi me një vendim gjykate në nëntor, kërkoi sërish para nga vajza e tij muajin e kaluar. Që kur kujdestaria përfundoi, ikona e muzikës pop nuk i ka ndalur akuzat ndaj familjes së saj.
/abcnews.al
