Në Britaninë e Madhe, niveli i alertit për Covid-19 është ulur nga niveli katër në tre. Lajmin e bëri të ditur Departamenti i Shëndetit të hënën, përpara se kryeministri britanik Boris Johnson të njoftonte lehtësimin e mëtejeshëm të masave.
Sipas asaj që thuhet ne uebsajtin e departamentit të shëndetit, alerti i nivelit të katërt paralajmëron se transmetimi i virusit është i lartë ose po rritet në mënyrë eksponenciale.
Kurse alerti i nivelit të tretë paralajmëron se pandemia e Covid-19 po qarkullon në mënyrë të përgjithshme.
Treguesit kryesorë për de-përshkallëzimin nga niveli i katërt në nivelin e tretë përfshijnë, “më pak se 10,000 infeksione të reja në ditë” dhe “Shkalla e rasteve javore në Mbretërinë e Bashkuar më pak se 25 për 100,000 banorë”.
Megjithatë, autoritetet paralajmëruan se virusi vijon të qarkullojë në vend, ndërsa raste të reja regjistrohen çdo ditë. sb/abcnews.al/
