Vaksina anti-Covid me një dozë të vetme e Johnson & Johnson është autorizuar për përdorim nga rregullatori i barnave në Mbretërinë e Bashkuar, por nuk do të jetë i disponueshëm deri në fund të këtij viti.
Agjencia Rregullative e Barnave (MHRA), tha në një njoftim sot se vaksina përmbush standardet e sigurisë, cilësisë dhe efektivitetit. Sekretari i Shëndetësisë Matt Hancock e cilësoi vendimin si një tjetër armë në arsenalin britanik për të mposhtur pandeminë.
Në fillim të këtij viti, vaksina me një dozë të vetme rezultoi 67 për qind efektive në parandalimin e Covid dhe 85 për qind efektive në parandalimin e sëmundjeve të rënda ose shtrimin në spital.
Vaksina gjithashtu mund të ruhet në temperaturat e frigoriferit./abcnews.al
