Dita e Pavarësisë së Ukrainës përkon me gjashtëmujorin e pushtimit rus më 24 shkurt. Në përditësimin e saj të fundit, Ministria e Mbrojtjes e Mbretërisë së Bashkuar (MM) ka reflektuar mbi konfliktin dhe ku qëndrojnë forcat ruse tani, shkruan BBC.
Sipas Britanisë, Presidenti Vladimir Putin ka kërkuar të forcojë ndikimin e Rusisë në Ukrainë që nga viti 2014, por pasi pushtoi gjashtë muaj më parë Moska e kuptoi se kishte nevojë për më shumë “objektiva modeste” pasi qëllimi i saj për “përmbysjen e qeverisë dhe pushtimin e pjesës më të madhe të vendit” kishte dështuar.
Ministria e Mbrojtjes theksoi se forcat ruse në rajonin lindor të Donbasit nuk po bëjnë përparime ndërsa Ukraina është përgatitur për një kundërsulm të madh. Rusia po vuan nga mungesa e municioneve, automjeteve dhe personelit, me moralin e dobët mes shumë trupave dhe ushtrinë që degraduar ndjeshëm.
“Fuqia e saj diplomatike është zvogëluar dhe perspektiva e saj ekonomike afatgjatë është e zymtë. Pas gjashtë muajsh, lufta e Rusisë ka rezultuar e kushtueshme dhe strategjikisht e dëmshme,” shton Ministria e Mbrojtjes.
/abcnews.al
