Britania e Madhe do të zgjasë programin e saj të trajnimit për burrat dhe gratë ukrainase që të bëhen ushtarë në tokën britanike. Më shumë se 45,000 personel ukrainas kanë marrë tashmë pjesë në trajnime nën Operacionin Interflex që nga pushtimi i Rusisë në vitin 2022.
Por, tani Sekretari i Mbrojtjes John Healey ka njoftuar një zgjatje të trajnimeve së bashku me presidentin ukrainas, Volodymyr Zelensky dhe aleatët e tjerë në Grupin e Kontaktit të Mbrojtjes së Ukrainës në Gjermani, shkruan skynews,
Bëhet e ditur se operacioni i trajnimit duhej të përfundonte këtë vit, por skema tani do të vazhdojë të paktën deri në fund të vitit 2025.
“Zgjatja e këtij trajnimi, i cili është jetik për mbrojtjen e Ukrainës, është një shembull tjetër i angazhimit të hekurt të Mbretërisë së Bashkuar ndaj Ukrainës”, tha Healey.
