Mbretëria e Bashkuar ka njoftuar sanksione të reja ndaj “katër kolonëve ekstremistë izraelitë që kanë kryer shkelje të të drejtave të njeriut kundër komuniteteve palestineze në Bregun Perëndimor.
“Sanksionet e sotme vendosin kufizime për ata që janë të përfshirë në disa nga abuzimet më të rënda të të drejtave të njeriut.
Duhet të jemi të qartë se çfarë po ndodh këtu. Kolonët ekstremistë izraelitë po kërcënojnë palestinezët, shpesh me armë, dhe po i detyrojnë ata të largohen nga toka që është me të drejtë e tyre.
Kjo sjellje është e paligjshme dhe e papranueshme.
Izraeli gjithashtu duhet të ndërmarrë veprime më të ashpra dhe t’i japë fund dhunës së kolonëve.
Kolonët ekstremistë, duke synuar dhe sulmuar civilët palestinezë, po minojnë sigurinë dhe stabilitetin si për izraelitët ashtu edhe për palestinezët” tha David Cameron.
/abcnews.al
