Të shtëna me armë janë regjistruar mbrëmjen e sotme në qendër të qytetit të Lushnjes. Drejtori i Spitalit të Lushnjes Perin Vogli ka konfirmuar se një person ka mbetur i vdekur dhe pesë të tjerë janë plagosur.
Abcnews.al mëson se viktima është pronari i lokalit, Bledar Muça. Bëhet me dije se është qëlluar nga një automjet tip Golf me ngjyrë të zezë në drejtim të lokalit.
Në momentin e të shtënave në lokal ka pasur shumë njerëz, përfshirë gra dhe fëmijë, të cilët janë shtrirë përtokë për t’u shpëtuar plumbave.
Nuk dihet nëse shënjestra e këtij atentati të ketë qenë viktima. Policia ka mbërritur në vendin e ngjarjes, ndërkohë nuk dihen ende rrethanat. g.v/abcnews.al
