Loading ...TIRANË- Avokati i njohur Edmond Petraj i ftuar në “News Line” tha se Sali Berisha është braktisur nga mbështetësit e Partisë Demokratike dhe kjo u pa në “Foltoren”, e cila u mbajt të hënën, para godinës së kryeministrisë.
Ai theksoi se Partia Demokratike ka nevojë për rikonceptim nga e para. Sipas tij, partitë opozitare duhet të mbledhin forcat për të krijuar një koalicion gjithëpërfshirës, por pa figurat aktuale pasi janë të konsumuara në sytë e publikut.
Sipas tij në këtë gjendje ku është opozita nuk mund t’i bëjë ballë mazhorancës, e cila është e konsoliduar.
“Foltorja për të mbajtur gjallë militantët e paktë në PD. Aty nuk jepet zgjidhje, PD duhet të rikonceptohet nga fillimi dhe të gjejë forcën e duhur për të luftuar të gjithë defektet që ka mazhoranca. Duhet rikonceptuar komplet.
Duhet të bëjnë një koalicion gjithëpërfshirëse, por pa figurat aktuale. Mazhoranca është shumë e konsoliduar. PD e paorganizuar dhe pa kauzë”, tha ai./abcnews.al
