BQE: Rritja ekonomike 2.2% për 2017, niveli më i lartë në dekadën e fundit

16:50 | 31/10/201716:500

Ekonomia e Eurozonës dha shenja të forta rritjeje gjatë tremujorit të tretë të këtij viti. Niveli i lartë i rritjes bëri që Banka Qëndrore Europiane të përmirësojë parashikimet për rritjen ekonomike në 2.2% deri në fund të vitit, niveli më i lartë i 10 viteve të fundit.

Rritja ekonomike në zonën Euro i kaloi parashikimet gjatë tremujorit të fundit. Të dhënat e zyrës europiane të statistikave EUROSTAT tregojnë se rritja ekonomike, gjatë tremujorit të tretë që përfundoi në shtator arriti në 0.6%.
Me këtë nivel rritjeje, Banka Qëndrore Europiane përmirësoi parashikimin për rritjen ekonomike për vitin 2017, duke e çuar në 2.2%. Kjo përqindje shënon nivelin më të lartë të rritjes ekonomike të 10 viteve të fundit, në hapësirën 19-vendëshe të monedhës së përbashkët europiane.

Papunësia arriti në 8.9%, niveli më i ulët i 9 viteve të fundit. Niveli i inflacionit ra në 1.4% gjatë tetorit, 1% më pak se në shtator, duke qëndruar bindshëm nën objektivin 2% të vendosur nga Banka Qëndrore Europiane. Një tjetër shenjë e mirë është edhe rikthimi i ekonomisë greke në rrugën e rritjes, pas rënies në -1.1% në 2016-n. Gjatë këtij viti, GDP-ja greke u rrit në 0.4%.

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono