Presidenti amerikan Donald Trump e cilësoi kryeministrin britanik Boris Johnson si një njeri të fortë dhe të vendosur, dhe tha se amerikanët po luten për shërimin e tij.
“Amerikanët po luten të gjithë për shërimin e tij. Ai është një mik me të vërtetë i mirë. Ai është shumë i veçantë, i fortë, i vendosur, nuk pushon, nuk heq dorë,” tha Trump gjatë konferencës në Shtëpinë e Bardhë.
Trump ishte i fundit nga një numër i liderëve botërorë që dërguan mesazhe shërimi për Johnson, 55 vjeç, i cili u shtrua në një spital në Londër të hënën, pasi kishte simptoma të vazhdueshme të koronavirusit, përfshirë një temperaturë të lartë, për më shumë se 10 ditë, shkruan Al Jazeera
Presidenti Francez Emmanuel Macron tha se ishte lutur që Johnson “të kapërcente shpejt këtë sprovë”.
“E gjithë mbështetja ime është për Boris Johnson , familjen e tij dhe popullin britanik në këtë kohë të vështirë”.
Kryeministri Kanadez Justin Trudeau gjithashtu uroi “ shërim të plotë dhe të shpejtë” për homologun e tij britanik.
“Mendimet e mia janë me ju dhe familjen tuaj tani. Shpresoj që së shpejti t’ju shoh 10 Downing Street”.
Ndërkohë, kryeministri irlandez Leo Varadkar tha: ” Boris Johnson është në mendimet tona sonte. Ne i urojmë atij një shërim të shpejtë “
Michel Barnier, shefi negociator i Bashkimit Evropian Brexit, gjithashtu tha se mendimet e tij ishin me Johnson dhe familjen e tij.
Carrie Symonds, partnerja 32-vjeçare e Johnson e cila është shtatzënë, tha se ajo kishte simptoma të koronavirusit, por tani ndihej më mirë.
Keir Starmer, drejtuesi i ri i Partisë së Punës, , i quajti zhvillimet e fundit ” lajme jashtëzakonisht të trishtuara”.
“Të gjitha jemi me kryeministrin dhe familjen e tij gjatë kësaj kohe tepër të vështirë”.
David Cameron, ish-kryeministri britanik, tha se Johnson ishte “në duar të sigurta” dhe se shpresonin ta shihnin atë mirë dhe përsëri në 10 Downing Street”.
Theresa May, paraardhësja e Johnson, tha se “mendimet dhe lutjet janë me Boris Johnson dhe familjen e tij “.
Ministria e Skocisë, Nicola Sturgeon, tha se ajo i uronte “çdo gjë të mirë” Johnson./abcnews.al
