Bashkimi Evropian i bën thirrje Izraelit të përfundojë operacionin ushtarak në Rafah. Përfaqësuesi i BE-së, Josep Borrell paralajmëroi duke thënë se nëse operacioni vazhdon, do të ushtrojë shumë presion mbi marrëdhëniet e BE-së me Izraelin.
Në një deklaratë Josep Borrell thotë se operacioni ushtarak po pengon më tej shpërndarjen e ndihmave humanitare në Gaza dhe po çon në më shumë zhvendosje të brendshme, ekspozim ndaj urisë dhe vuajtjeve njerëzore. Më shumë se 1 milion civilë janë strehuar në dhe rreth Rafahut dhe u është kërkuar të evakuohen në zona që nuk mund të konsiderohen të sigurta, sipas Kombeve të Bashkuara.
“Ndërsa BE-ja njeh të drejtën e Izraelit për të mbrojtur veten, Izraeli duhet ta bëjë këtë në përputhje me Ligjin Ndërkombëtar Humanitar dhe të sigurojë siguri për civilët”, nënvizon ai.
Ai bën thirrje për një armëpushim të menjëhershëm dhe lirimin e pengjeve të mbajtura nga Hamasi
Në të njëjtën kohë, Bashkimi Evropian i bën thirrje Izraelit që të përmbahet nga përkeqësimi i mëtejshëm i situatës tashmë të rëndë humanitare në Gaza dhe të rihapë pikën e kalimit në Rafah.
Sipas të Drejtës Ndërkombëtare Humanitare, Izraeli duhet të lejojë dhe lehtësojë kalimin e papenguar të ndihmës humanitare për civilët. /abcnews.al
