Boris Johnson paralajmëroi sot se ka ‘shenja të një vale të dytë’ të koronavirusit në Europë ndërsa mbrojti vendimin e Britanisë së Madhe për të vendosur përsëri rregullat e karantinës në udhëtimet spanjolle.
Sipas mediave të huaja, vendimi i Britanisë për të hequr Spanjën nga lista e sigurt e udhëtimit ka ngjallur një “luftë diplomatike” midis Madridit dhe Londrës.
Kryeministri Spanjoll, Pedro Sanchez, tha se ndalimi nga Mbretëria e Bashkuar për të gjithë udhëtimet jo thelbësore në Spanjë është një ‘gabim’ dhe është ‘i padrejtë’.
Por z. Johnson këmbënguli këtë mëngjes se Qeveria e Mbretërisë së Bashkuar duhet të veprojë shpejt për t’iu përgjigjur atyre që beson se janë kërcënime për luftën e brendshme kundër koronavirusit.
Ai tha: “Ajo që duhet të bëjmë është një veprim i shpejtë dhe vendimtar, kur mendojmë se rreziqet kanë filluar të flluskojnë përsëri”.
“Le të jemi plotësisht të qartë për atë që po ndodh në Europë, në mesin e disa miqve tanë europianë, kam frikë se kemi filluar të shihni në disa vende shenjat e një vale të dytë të pandemisë”.
Ndërkohë, zoti Johnson këmbënguli se u takon individëve të vendosin nëse do të udhëtojnë jashtë, gjatë kësaj vere mes pasigurisë në rritje./abcnews.al
