Borë dhe Ngrica në Dibër, vijojnë të bllokuar disa fshatra

Dita e sotme ka sjellë ndërprerjen e reshjeve dhe një kohë me diell, por sërish temperaturat vijojnë të jenë të ulëta. Temperaturat gjatë natës janë ulur deri më -12 ° nën zero.

Janë përmirësuar akset nacionale, kështu aksi Peshkopi -Tiranë është i kalueshëm pa probleme pasi gjatë natës është trajtuar me kripë. Një fadromë vijon punën për hapjen e aksit Ura e Çerenecit drejt Klenjës, ku edhe pse ka trashësi mbi 2 metra nm disa pika ku ka grumbulluar borë era, po avancohet dhe pritet që në orët e mbrëmjes të hapet deri në Klenjë.

Aksi Peshkopi – Qafë Draj – Kukës kalimi bëhet me vështirësi me zinxhirë.

Aksi Peshkopi – Kala e Dodës kalimi bëhet me zinxhirë pasi ka patur akull në rrugë. Prefekti Nexhbedin Shehu thotë se janë kontaktuar të gjithë kontraktorët dhe janë hapur rrugët drejt qendrave të njësive administrative, por sërish ngelen të bllokuara shumica e fshatrave./abcnews.al