Loading ...
Kryetarja e LSI-së, Monika Kryemadhi shprehu dakordësi me vendimin e marrë nga Presidenca për të mos pranuar në institucionin e drejtuar nga Ilir Meta, ambasadorin e OSBE, Bern Borchard. Kryemadhi tha se çdokush që fyen shqiptarët merr pas atë që i takon. Kryetarja e LSI-së komentoi edhe përplasjen për Gjykatën Kushtetuese duke e drejtuar gishtin e akuzës nga kreu i Këshillit të Emërimeve në Drejtësi, Ardian Dvorani.
Pas shpalljes non grata që Presidenca i bëri ambasadorit të OSBE në Tiranë, Bern Borchard edhe kryetarja e LSI, Monika Kryemadhi reagon ashpër ndaj veprimeve fyese që diplomati ka bërë ndaj shqiptarëve. Në një bashkëbisedim me gazetarët, Kryemadhi nuk i kurseu ironitë ndaj përfaqësuesit OSBE në Tiranë.
Në sinkron me Presidentin, Kryemadhi ishte edhe për rastin “DVORANI”. Duke kujtuar se në Fletoren Zyrtare nuk u botua dekreti i Presidentit për zgjedhjet vendore, Kryemadhi u shpreh e bindur për lidhjen e varësisë që ekziston mes Kryeministrit dhe kreut të Këshillit të Emërimeve në Drejtësi.
Qëndrimet e saj, Kryemadhi i mbajti pas kthimit nga vizita disa ditore që zhvilloi në SHBA ku zhvilloi edhe takime të nivelit të lartë me zyrtarë amerikanë. /abcnews.al
