Mirëmbajtja e jahteve të sekuestruara nga oligarkët rusë do ti kushtojë Italisë 40 milionë dollarë në vit, sipas Bloomberg, i cili i ka kushtuar një artikull të gjatë dhe të detajuar pasojave të sekuestrimit të këtyre ‘mega-lodrave ruse’ të bllokuara prej muajsh në disa porte.
Gjatë muajve të fundit, sekuestrimi i aseteve ruse u cilësua si një akt drejtësie, për shkak të pushtimit rus të Ukrainës- një imazh i suksesshëm për qeveritë perëndimore.
Por nga pikëpamja financiare “është një fatkeqësi totale”, shkruan Bloomberg.
Shumica e këtyre jahteve “zhvasin” para dhe në disa vende, por jo të gjitha, ato para vijnë nga taksapaguesit, theksohet në artikull.
/abcnews.al
