Gazetarja Bleona Sari përcolli të rejat e fundit tek ‘Zogu I Zi’ ku duket se protesta ka përfunduar dhe është bërë hapja e qarkullimit. Sipas saj, pati një komunikim mes Oerd Bylykbashit dhe përfqaësues të dy komisariateve ku policët tashmë janë vendosur në kordon për të lejuar kalimin e mjeteve.
“ Efektivët e policisë janë pajisur me kordonët mbrojtës sepse do lirohet qarkullimi. Ka pasur diskutim mes Oerd Bylykbashit dhe me përfaqësuesit të komisariatit nr.3 dhe 5 që t’i hapin kalimin qytetarëve. Disa prej tyre janë bërë kordon me njëri- tjetrin për të mos pasur probleme. Shohim që mjetet të fillojnë të lëvizin dhe me ndihmën e policisë. Dy nënkalimet që janë rrotull rrethrrotullimit janë hapur më parë. Ndërkohë janë hapur të dy krahët e qarkullimit për mjetet. Policia ka marrë të gjitha masat e mundshme sepse edhe koha e protestës po përfundon edhe pse leja u dha për një protestë pa bllokim rrugësh. Policia mori masat që të hapte rrugën dhe të shmangte incidentet mes protestuesve dhe qytetarëve sepse më parë kishte tre incidente. “
/ abcnews.al
