Drejtuesit e mjeteve në aksin nacional Librazhd-Prrenjas duhet të tregojnë kujdes pas bllokimit të rrugës në vendin e quajtur “Arrat e Gurrës”. Autoriteti Rrugor Shqiptar (ARRSH) ka sugjeruar disa akse alternative për të lehtësuar trafikun e krijuar.
Për autoveturat, ARRSH sugjeron akset:
-Maliq- Lozhan-Strelc-Gramsh-Elbasan
-Qafë Thanë – Pogradec-Korçë-Leskovik-Përmet-Tepelenë
Ndërsa për mjetet e tonazhit të rëndë sugjerohet pika doganore Qafë Thanë -Maqedoni-Pika doganore e Bllatës -Rruga e Arbrit
ARRSH i kërkon shoferëve dhe banorëve të zonës të respektojnë sinjalistikën rrugore dhe udhëzimet e Policisë Rrugore për të shmangur pengesat dhe aksidentet./abcnews.al


