Sekretari amerikan i Shtetit Anthony Blinken pritet të mbërrijë sot në Kinë për vizitën e tij të dytë në më pak se një vit, me një mision për të rritur presionin ndaj Pekinit për çështje të tilla si mbështetja e tij për Rusinë, duke kërkuar një stabilitet më të madh.
Ai pritet gjithashtu të flasë për shqetësimet e SHBA-së në lidhje me praktikat tregtare të Kinës, të cilat Uashingtoni thotë se janë kundër konkurrencës, një çështje kryesore për presidentin Joe Biden në këtë vit zgjedhor.
Anthony Blinken është gjithashtu në Kinë për të lehtësuar tensionet mes dy ekonomive më të mëdha në botë.
Ky udhëtim do të pasohet nga një takim midis Joe Biden dhe presidentit kinez Xi Jinping në San Francisko, i cili pritet të çojë në rinovimin e kontakteve midis forcave të tyre të armatosura dhe bashkëpunimit në luftën kundër prodhimit të fentanilit, përgjegjës për shumë vdekje në Shtetet e Bashkuara.
Blinken do të nisë vizitën e tij sot në Shangai, ku do të takohet me studentë dhe biznesmenë.
/abcnews.al
